2010 оны 11-р сарын 02-ны өдрийн 10.00 - 13.00 цагт /Женевийн цагаар/ Женев хотноо Хүний эрхийн Зөвлөлийн  Монгол Улсын Үндэсний илтгэл хэлэлцэх  хэсгийн хуралдааныг удирдах гурван илтгэгч  /Гурвал - Troika/-ээр Киргизстан, Габон, Швейцарь улсын төлөөлөгчид  сонгогдсон байна.

        Гурван илтгэгч /Гурвал/ Хүний эрхийн төлөв байдлын дүгнэлт хэлэлцүүлэгт /UPR/-т орж буй орны хэсгийн хуралдааныг удирдан явуулах, ажлын хэсгийн илтгэлийг бэлтгэх  үүрэгтэй. Ажлын хэсгийн хуралдааны үеэр хэлэлцүүлэгт орж буй улсад тавих асуулт, хэлэлцэх асуудлуудыг урьдчилан бэлтгэж болно. Хүний эрхийн дээд комиссарын газар /ХЭДКГ/ гурвалыг шаардлагатай тусламж, мэдээллээр хангах үүрэг  хүлээнэ. 

       Гурвалыг ХЭЗ-ийн гишүүдийн дундаас шодох аргаар сонгох бөгөөд  газар зүйн өөр өөр бүсийн төлөөлөл байх ёстой. Хүний эрхийн төлөв байдлын дүгнэлт хэлэлцүүлэгт /UPR/-т орж буй тухайн улс өөрийн хамаарах бүсээс нэг илтгэгчийг нь  сонгохыг санал болгож болно.